НИТХ-ын ээлжит XVI хуралдаан өнөөдөр боллоо. Хуралдаанаар Нийслэлийн Засаг дарга бөгөөд Улаанбаатар хотын Захирагч Д.Сумъяабазар Нийслэлийн 2023 оны төсвийн төслийн талаар саналаа хэллээ.

    Тэрбээр “2023 оны нийслэлийн төсвийн урсгал зардал хасах 170 тэрбум төгрөг болчихсон байгаа.  Өмнө 117 тэрбум төгрөг байсан ч Г.Тэмүүлэн гишүүн ажлын хэсэг дээр нийслэлийн орлогыг ахиад 52 тэрбум төгрөгөөр нэмж төвлөрүүлэхээр болсон. Энэ шийдвэр бол тэнэглэл юм. Эдийн засаг хүнд байхад, ахиад урсгал зардал дээр 52 тэрбум төгрөг нэмж, тавингуутаа өөрсдийнхөө тойрог дээр ажлууд, шинээр хийгдэх бүтээн байгуулалт гээд энэ мөнгөө зарцуулж байна. Энэ удаагийн төсөв дээр ухаантай хандмаар байна” гэлээ.