Монгол Улсын Ерөнхийлөгч У.Хүрэлсүхийн БНХАУ-д хийж буй албан ёсны айлчлал үргэлжилж байна. Айлчлалын бүрэлдэхүүнд багтсан Сангийн сайд Б.Жавхлан нүүрсний экспортын талаар мэдээлэл өглөө. 

Тэрбээр  "Нүүрсний экспорт буюу дунд хугацааны гадаад худалдааны бодлого дээр анхаарал хандуулъя гэдгээ ярьсан. Тэгэхээр бид гадаад худалдааны эргэлтээ дунд хугацаанд 4-5 жилийн дотор 20 тэрбум ам.доллар болгох талаар хоёр тал санал нийллээ. Энэ хүрээнд жилд гаргах нүүрсний хэмжээгээ 40-70 сая тоннд хүргэх талаар ярилцлаа" гэв.