Улаанбаатар хотод хүйтний эрч эрс чангарах цаг агаарын урьдчилсан мэдээг Цаг уур, орчны шинжилгээний газраас танилцуулаад байна. Тэгвэл энэ өдрүүдэд автозамын түгжрэл нэмэгдэж, тэг зогсолт болох нөхцөл байдал үүсэж байгаа тул Хот хариуцсан сайд Ж.Сүхбаатар шаардлагатай арга хэмжээг зохион байгуулж ажиллах шаардлагатай тухай албан бичгийг Нийслэлийн засаг дарга бөгөөд Улаанбаатар хотын захирагч Д.Сумъяабазарт хүргүүлжээ. Уг албан бичигт цэцэрлэг, сургуулийн хичээлийг цахимаар хичээллүүлэх санал гаргасан байна.

Энэ талаар Боловсрол, шинжлэх ухааны сайд Л.Энх-Амгалан "Миний зүгээс нэг ч өдөх хичээл, сургуулийг хаамааргүй байна. Сая ковидын үеэр хоёр жил шахам хичээл хаасантай холбоотой хичээлийн нэлээд хоцрогдолтой байна. Хоцрогдолыг нөхөх гурван жилийн хөтөлбөр хэрэгүүлж байгаа. Арванхоёрдугаар сарын 16-наас улиралын амралт эхэлнэ. Цэцэрлэгийн болон бага ангийн хүүхдүүдийг цахимаар хичээллүүлэхэд болохгүй хувилбар биш. Харин дунд, ахлах ангийнханд хүндрэл үүснэ" гэв.