Засгийн газрын хуралдаанаар хуралдаанаас гаргасан шийдвэрийг танилцуулж байна.

      Энэ үеэр Уул уурхай хүнд үйлдвэрийн сайд Ж.Ганбаатар "Өнөөдөр дизель түлшний асуудлаар мэдээлэл өгнө. Манай дизель түлшний сарын хэрэглээ 80 мянган тонн. Үүний 60 хувийг нь Росснефт компаниса нийлүүлдэг бол үлдсэн 40 хувийг нь бусад трейд компани нийлүүлдэг байна. Росснефть компанийн нийлүүлэлт хэвийн байна. Харин бусад трейд компаниудын үйл ажиллагааг нэлээн хязгаарласан байна. Тиймээс түр зуур хомстол дизель түлш дээр үүслээ. Түр хугацаанд хязгаарласан хязгаарлалт юм билээ.

      Мөн зуны түлшийг өвлийн түлшээр солих явцад Ангарский үйлдвэрт долоо хоногийн завсар бий болсон байна. Мөн ОХУ-д үүссэн нөхцөл байдлаас шалтгаалаад тус улсад дизель түлшний эрэлт өмнөхөөсөө маш их нэмэгдсэн байна. Тиймээс дэлхий нийтээрээ хомстолд орж байгаа юм. Росснефть компани гэрээнд заасан нийлүүлэлттэй өгч байгаа. Бид тус компанид хүсэлт тавьсны дагуу 67 мянган тонн хүртэл нийлүүлэлтэй нэмэгдүүлэхээр болсон. Замд явж байгаа дизель түлшний хэмжээ 19 мянган тонн байна. ОХУ-гаас ирж байгаа гэсэн үг. Манай улсын дизель түлшний нөөц 17 мянган тонн буюу 11 хоногийн нөөцтай байна" гэв.