Засгийн газрын хуралдаанаас гаргасан шийдвэрийг танилцуулж байна. Энэ үеэр Эдийн Засгийн хөгжлийн сайд Ч.Хүрэлбаатар “Цагаан нуурын чөлөөт бүсийг байнгын ажиллагаатай болгож байна. Европоос гарч байгаа ачаа тээвэр дөт замаар ирэх юм.  Баян-Өлгий аймгаас хойш 65 километрын зайд орших "Цагаан нуурын чөлөөт бүс"-ийг Азийн AH4 босоо тэнхлэгийн автозамыг эцсийн байдлаар гүйцээн, ашиглалтад оруулсан

Мөн гаднын хөрөнгө оруулагч нарын гомдлыг шийдвэрлэх талаар нэлээд ярилцлаа. Өнөөдөр Засгийн газраас шийдвэр гаргалаа. Өнгөрсөн хугацаанд Гадаад харилцааны яам болон холбогдох яамдад 38 гомдол ирж, зургаа нь шийдэгдсэн байна. Юунд гомдол гаргаж байгааг нь харахаар төрийн байгууллагуудтай гэрээг хэрэгжүүлэх талаар найм, бүртгэлтэй холбоотой, хууль, хүчний байгууллагатай холбоотой, тусгай зөвшөөрөлтэй холбоотой, газрын маргаантай холбоотой, худалдаа үйлчилгээтэй холбоотой санал гомдлууд ирсэн байна.

Гаднын хөрөнгө оруулагч нар хөрөнгө оруулалтаа хамгаалуулж, амгалан тайван бизнес эрхлэх талаар ярьж байна. Засгийн газар үүнд анхаарна. Энэ бол хэн нэгний хяналтад байдаг асуудал биш. Цаашид гаднын хөрөнгө оруулагчид Монгол Улсын эдийн засгийг хөдөлгөгч хүч гэж үзэж байна” гэв.