Засгийн газрын сайд нар мэдээлэл хийлээ. Энэ үеэр Эрчим хүчний сайд Б.Чойжилсүрэн "Эрчим хүчний салбарын өвөлжилтийн бэлтгэл хангагдаад дуусаж байна. Эрчим хүчний салбартай холбоотой гурван уурхайн асуудал бий. Дизель түлшний нөөцгүй болсон асуудал бий. Иймд УОК-ын хуралдаанаар дизель түлшний нөөцийг улсын нөөцөөс гаргуулахаар боллоо. Манай яам сайжруулсан шахмал түлшний нөөц, чанарын асуудлыг бүрэн хариуцна.

Таван толгой дулааны цахилгаан станцын тендерийг намайг сайд болохоос өмнө зарласан юм билээ. Тендерт оролцсон оролцогч нар нь техникийн шаардлага хангахгүй бүтэлгүйтсэн тохиолдол хоёр удаа болсон байна. Гурав дахь удаагаа зарлахад ч ийм асуудал тулгарч болзошгүй" гэв.