Ардчилсан намын бүлэг хуралдаж байна. Хуралдааны үеэр МАН-ын амлалт түүний хэрэгжилтийн талаарх саналаа хэллээ.

УИХ-ЫН ГИШҮҮН Ц.ТУВААН: Газрын тухай хууль бол Үндсэн хуулийн дараа орох ач холбогдолтой хууль юм. Уг хуулийг УИХ-аар хэлэлцэж байна. МАН хөрсийг хамгаална, газрын доройтлыг бууруулна, цөлжилттэй тэмцэнэ гэж амласан. Монгол Улсын нийт газар нутгийн 122 сая орчим га нь бэлчээр байдаг. Гэтэл  бэлчээртэй тэнцүү хэмжээний газар цөлжсөн. Хувиар аваад үзвэл 77 орчим хувь нь ямар нэгэн байдлаар цөлжсөн гэдэг судалгаа бий. Газрын тухай хуулийг оруулж ирэхдээ бэлчээр, тариалангийн газартай холбоотой асуудалд тодорхой шийдэл санал болгосонгүй. Тариалангийн газрын хэмжээ 60 гаруй жилийн өмнө 1.2 сая га байсан бол өнөөдөр 900 мянган га орчим болсон. Гэтэл хүн ам хоёр дахин өссөн шүү дээ. Энэ асуудлыг шийдэх ёстой. Тиймээс салбарын яам иргэд, тариаланчидтай хамтран өргөтгөсөн хэлэлцүүлэг хийх ёстой юм.