Төрийн албаны тухай хуулийн төслийн УИХ-аар хэлэлцүүлж эхэлсэнтэй холбоотой Төрийн албаны ёс зүйн асуудлын талаар судлаачдын хэлэлцүүлгийг Төрийн ордонд зохион байгуулж байна.

        Энэ үеэр УИХ-ын гишүүн Ш.Адьшаа "Төрийн албаны ёс зүйн тухай хуулийн би дэмжихгүй байгаа юм. Ёс зүй зан заншлын асуудлыг хуулиар зохицуулдаг байж болох уу. Хуулийн төсөлд ёс зүй гэж ерөнхийд нь авч үзсэнээс юуг нь хэлээд байгаа нь тодорхойгүй байна. Хуулийн төсөл санаачлагчид үүнийгээ тодорхой болго. Сахилга хариуцлагын хариуцлагыг ярихаас гадна  нийгмийн асуудлыг нь тодорхой шийдэх хэрэгтэй. Төрийн албаны тухай хууль хэрэгжихгүй байгаа. Нийгмийн харилцааг хуулиар шийдэж байгаа ч зайлшгүй асуудлыг хуулиар зохицуулах ёстой. Төрийн алба хаагчдын төрийн албанд дэвшүүлэх, сонгон шалгаруулах зарчим чинь алдагдаад утгаа алдаж байна шүү. Төрийн албаны зөвлөл энд юу хийж байна вэ. Улс төрийн нөлөөлөл ордог тогтолцоогоо яах гэж байна вэ” гэв.

       Энэ үеэр академич С.Нарангэрэл “Эрхэм шавийн нүүр рүү харж байгаад хэлье. Өнөөдөр манай нийгэмд бүгд хүн шиг баймаар байна. Үүний тулд төрийн албаа өөд нь татмаар байгаа юм. Төрийн алба чинь ард түмнээ сэтгэл тэнүүн аз жаргалтай болгоно. Та бол хуучин номлолоо яриад байна. бол Мандескогийн онолоор тархиа угаалгасан. Мандеско бол манай их эзэн Чингис хаан  монголчууд та биднийг хоёр жарны турш энэ дэлхийд монголын их амар амгаланг тогтоосон. Тэгээд ёс суртахуун хууль хоёрыг хооронд нь салгаж хаячихаад. Хууль хяналтыг хууль тогтоогчдын судалдаг нарийн тогтолцоо гээд та нарын эрх мэдэл болгож өгөөд өнөө муу ёс суртахууныг чинь уланд нь гишгэчхээд одоо буцаагаад энэ рүү чихэх гээд байна шүү дээ. Та ядаж сүүлийн хэдэн жил миний хийсэн судалгааг унш” гэлээ.