Чингэлтэй дүүргийн прокурорын газраас тус дүүрэг дэх Цагдаагийн газартай хамтарсан зөвлөгөөн  зохион байгуулж,  Эрүүгийн хэрэг хянан шийдвэрлэх тухай хуульд орсон нэмэлт, өөрчлөлтийг хэрхэн хэрэгжүүлж ажиллаж байгаа талаар хэлэлцэж, хуулийг нэг мөр хэрэгжүүлж ажиллах үүрэг өглөө. Тодруулбал, мөрдөн шалгах ажиллагааны нууцлал, хүний хувийн нууцыг хангаж ажиллахад онцгой анхаарч, мөрдөн байцаалтын хэргүүдийг шуурхай шийдвэрлэхийг нийт мөрдөгч, прокуроруудад анхааруулав.

    Мөн зөвлөгөөний үеэр Чингэлтэй дүүргийн Эрүүгийн хэргийн анхан шатны шүүхийн Тамгын газраас эрүүгийн хэргийн хөдөлгөөн, шийдвэрлэлтийн талаар мэдээлэл хийлээ.