"No Double Standart" хөдөлгөөний Э.Одбаяр, Ц.Чинбат, Б.Билгүүн, Л.Ганхөлөг нарын таван хүнд холбогдох Эрүүгийн хэргийн гэм буруугийн шүүх хурал Баянгол дүүргийн Эрүүгийн хэргийн анхан шатны шүүхэд болж, шүүхээс тэдний заримыг нь гэм буруутайд тооцож, эрүүгийн хариуцлагын хурал болсон. Шүүхийн бүрэлдэхүүний шийдвэрээр Э.Одбаяр нарын иргэдийг оршин суугаа харьяа дүүргээсээ нэг жил гарахгүй буюу зорчих эрхийг хязгаарлах ял оноосон байна. Дээрх нэр бүхий иргэдийг Эрүүгийн хуулийн 13.14, 23.1.1-д заасан гэм буруутайд тооцсон аж.

  Энэ талаар УИХ-ын гишүүн асан Н.Номтойбаяр өөрийн цахим хуудсандаа Ерөнхий сайд Л.Оюун-Эрдэнэд хандан ийн бичжээ.

  Тэрбээр “Л.Оюун-Эрдэнэ ээ чи З.Энхболдыг гүтгэхэд тэр залуу хүний ирээдүйг бодож, өргөдлөө татаж байсныг мартсан уу. АН-ыг эрх барж байхад бид тэднийг олон удаа доромжилж, элдэв лоозон барьж жагсаж л байсан. Тэглээ гээд тэд биднийг шүүхдэж, шогтож, байгаагүй шүү. Хайран залуус” гэжээ.