Их эзэн Чингис хааны мэндэлсний 860 жилийн ой өвлийн тэргүүн сарын шинийн 1 арваннэгдүгээр сарын сарын 24-нд тохиож буй. Чингис хааны мэндэлсний тэгш ой тохиож байгаа учраас энэ жил УИХ-ын хүндэтгэлийн чуулганыг арваннэгдүгээр сарын 24-нд хийхээр болжээ. Мөн ойн хүрээнд төрийн хүндэтгэлийн концерт зохион байгуулна.

    Энэ талаар ЕТГ-ын дарга Я.Содбаатар “Энэ жил Эзэн Чингис хааны мэндэлсний тэгш ой тохиож байгаа учраас Монгол бахархлын өдрийг долоо хоногийн программ гаргаж байгаа. Монгол бахархлын өдөрт зориулсан арга хэмжээнүүдийг арваннэгдүгээр сарын 21-ээс эхлүүлээд үе шаттай зохион байгуулна. Энэ жил Монгол бахархлын өдөр арваннэгдүгээр сарын 24-нд таарч байгаа. Энэ өдөр Улсын их хурал хүндэтгэлийн чуулган хийхээр болсон. Мөн энэ өдөр Чингис хаантай холбоотой төрийн хүндэтгэлийн концерт зохион байгуулна” гэлээ.