УИХ-ын өнөөдрийн чуулганаар Хөгжлийн банкнаас олгосон зээлийн эргэн төлөлтийн талаарх мэдээллийг хэлэлцэх үеэр сангийн сайд Б.Жавхлан, Н.Алтанхуяг гишүүний асуултад хариуллаа. Тэрбээр “Нөхөр Алтанхуяаг гишүүн сандарч эхэллээ. Таны сандрах хугацаа чинь болсон. Сая миний уншсан мэдээлэлд нэг ч зөрүүтэй материал байхгүй. Хөгжлийн банкинд байгаа 3.2 их наядын 1.8 их наяд нь чанаргүй зээл. Үүний 1.5 их наяд төгрөгийн зээлийг та Чингис бондод өгсөн. 2012 арвадугаар сарын 175 дугаар тогтоол байгаа. Бодлогын зөвлөл нэртэй бондын зарцуулалтын шийдвэрийг гаргадаг. Үүний дарга нь тухайн үеийн Монгол Улсын Ерөнхий сайд Н.Алтанхуяг. Та мөн биздээ. Танд материал шаардлагатай бол таны энэ шийдвэр гаргасан материалыг өгч болно. Юу үнэн, энэ үнэн. Та одоо энэ хөгжлийн банкны асуудлаар шударга хүн болж ярих эрх байхгүй. Таны тавьсан балгийг бид төлж байна. Та үүнээс хаашаа ч зугтааж чадахгүй. Би чамтай тэмцсээр байгаад дуусна. Чанаргүй зээлийг би чамтай цуг барагдуулж дуусна шүү.  Бодит байдал ийм байна” гэв.