УИХ-ын нэгдсэн хуралдаанаар УИХ-ын нэгдсэн  Байнгын хорооноос нэгтгэн гаргасан зарчмын зөрүүтэй саналд санал хураалаа. Санал хураалтаар гэр хорооллын айл өрхөд  цахилгаан эрчим хүчний тарифийн хөнгөлөлтийн зардалд шаардагдах  33 тэрбум 628 сая төгрөгийг Эрчим хүчний сайдын урсгал зардалд нэмэх саналыг гишүүдийн олонхи дэмжлээ. Ингэснээр гэр хорооллын айл, өрхийн шөнийн тарифийн хөнгөлөлтийг үргэлжлүүлэхээр боллоо.