УИХ-ын чуулганы нэгдсэн хуралдаанаас Монгол Улсын нэгдсэн төсвийн 2023 оны төсвийн хүрээний мэдэгдэл, 2024-2025 оны төсвийн төсөөллийн тухай хуульд өөрчлөлт оруулах тухай хуулийн төслийг хэлэлцүүлж байна. Энэ үеэр УИХ-ын гишүүн С.Одонтуяа "Сангийн сайд аа,Төсвийн тогтвортой байдлын тухай хууль гэж батлахгүй Төсвийн тогтворгүй байдлын тухай хууль гэж баталж болох уу. Манай хууль тийм болчихоод байна. Бидний яриад байгаа хуульд Төсвийн тогтвортой байдлын тухай хууль маш чухал. Гэтэл 2010 оноос хойш энэ хуулийн 13 удаа өөрчилсөн байна.  Ийм зүйл гэж байх уу. Төсвөө жилд 3-4 удаа  тодотгож байна. Тиймээс дэмий цаг үрсэн асуудлаа болиод практикт хэрэгтэй хуулиа хэлэлцвэл яасан юм бэ" гэв.