УИХ-ын чуулганы нэгдсэн хуралдааны үеэр УИХ-ын гишүүн Б.Пүрэвдорж "Таван жилээр тэтгэврээ тогтоолгох гэж байгаа иргэд ээ, ирэх мягмар гарагт Сүхбаатарын талбайд жагсахгүй бол болохгүй нь ээ. С.Чинзориг гишүүнээр ахлуулсан Ажлын хэсэг байгуулагдаагүй байсныг өчигдөр мэдлээ. Тиймээс ирэх мягмар гараг буюу арваннэгдүгээр сарын 8-ны өдөр 12:00 цагт ахмадууд жагсаалаа хийе. Их хүн хэрэггүй. Эхний 200-300 хүнд автобусны мөнгө, халуун аарц өгнө. Гэхдээ бүгдээрээ ирэхийг бодоорой. Нийт тэтгэвэр авч буй хүмүүсийн 91 хувь нь цаашид 93 хувь нь 400-500 мянган төгрөгийн тэтгэвэртээ байгаад байна. Тиймээс энэ хуулиа явуулж, ядаж 100-150 мянган төгрөгөөр нэмэгдүүлье" гэв.