УИХ-ын чуулганы нэгдсэн хуралдаан хуралдаж байна. Хуралдааны эхэнд гишүүд үг хэлсэн. Энэ үеэр УИХ-ын гишүүн Ц.Даваасүрэн "Төсвийн тухай хуульд дагаж оруулж ирсэн нэг Тогтоолын төсөл бий. Энэ Тогтоолын төслийн хоёр дахь заалтад Хөгжлийн банкны гадаад зээлийн өрд төр баталгаа гаргах талаар тусгасан байгаа. Б.Жавхлан чи энэ заалтаа татаж ав. Чи Хөгжлийн банкыг хамгийн их үймүүлсэн. Одоо энэ нөхөр төсөвт 60 гаруй тэрбум төгрөг байгаа юм. Арилжааны банкны зээлийн санхүүжилтэд олгодог. Үүнийг олгоод арилжааны банкуудыг удирддаг болох юм. Хэн ямар зээл авч байгааг шалгах хэрэгтэй. Зээлээр гаршчихсан хүн. Худлаа гэвэл намайг УИХ-ын Ёс зүйн хороонд өгөөрэй.

      Чи Их хурлаас татгалзаад шалгуулна гэсэн яасан, шалгуулаарай чи. Чамд Их хуралд суух эрх байхгүй шүү. Энэ тогтоолын төсөлд 10 гаруй хүн оролцох эрхгүй шүү. Худлаа юм уу Г.Амартүвшин" гэв.

      Сангийн сайд Б.Жавхлан "Ц.Даваасүрэн гишүүн маань сүүлийн үед намайг зөндөө доромжилж, зөндөө гүтгэлээ. Би ч зөндөө тэвчлээ. Туршлагатай гишүүдийн нэг. Харамсалтай нь, парламентыг өөрийнхөө улс төрд яаж харуулж болдгийг харуулж байна. Энэ бүх асуудал дээр би тайлбар өгч байсан. Ц.Даваасүрэн гишүүн маань шударга үнэний туйл гээд яваад байдаг. Цаанаа болж байгаа зүйлийг нь мэдэж байгаа хүний хувьд харамсмаар зүйл болж байгаа шүү. Уг нь яриад байх зүйл биш. Гишүүн маань Хөвсгөл аймгийн Мөрөн сумын Засаг даргаар 2012-2020 онд ажиллаж байсан улс төр судлаач Ц.Гансүх гэдэг залууг Дарханы арьс ширний цогцолбор газрын захирлаар томилуулсан. Одоо тэнд юу болж байна вэ. Монгол Улс жилд 650 мянган үхрийн шир боловсруулдаг. Үүнийг бүтэн боловсруулах тоног, төхөөрөмжийг авахын тулд 13-14 сая ам.долларын өртөгтэй гэх судалгаа бий.