Засгийн газрын ээлжит хуралдаанаар гаргасан шийдвэрийг танилцууллаа. Эрдэнэс Тавантолгой” ХК-ийн бүрэн эрхт төлөөгч Ж.Ганбат мэдээлэл өглөө. Тэрбээр “Эрдэнэс Тавантолгой” ХК-д нүүрсний дөрвөн гэрээ бий. Нэг нь нууцын зэрэглэлтэй. Засгийн газраас тус гэрээнүүдийг ил болгох хүсэлт гаргасан. Үүнийг хуулийн дагуу гэрээний харилцагч талтайгаа ярилцаж, шийднэ. Би “ЭТТ” компанид томилогдож очсоноос хойш зарим албан тушаалтнуудыг шалгаж, ажлаас нь чөлөөлсөн. Учир нь, намайг томилогдохоос нэг хоногийн өмнө “ЭТТ” ХК өөр компанитай гэрээ байгуулж, урьдчилсан байдлаар 20 тэрбум төгрөгийн гүйлгээ хийлгэхийн тулд надаар гарын үсэг зуруулахаар орж ирсэн. Гүйлгээг нягталж үзтэл, баталгаагүй, барьцаагүй буюу хувийн компанид давуу байдал үүсгэх нөхцөлтэй байсан. Үүнтэй холбоотойгоор санхүүгийн албаны дарга, гэрээг зохион байгуулсан Худалдан авалтын албаны дарга, Ерөнхий нягтлан бодогч, Уул уурхайн газрын дарга нарыг шалгуулахаар АТГ-т өгсөн. Төрийн өмчийн компани эрсдэлд орох ёсгүй. Дээрх хүмүүс “ЭТТ” ХК-д ажиллахдаа эрсдэлээс хамгаалах, сэргийлэх байдлаар хяналт тавиагүй байсан” гэлээ.