УИХ-ын чуулганаар “Төрөөс мөнгөний бодлогын талаар 2023 онд баримтлах үндсэн чиглэлийн төсөл”-ийн талаар хэлэлцэж байна. Энэ үеэр УИХ-ын гишүүд асуулт асууж, хариулт авч байна. 

УИХ ын гишүүн О.Цогтгэрэл: Жил бүрийн уламжлалт ёсоор мөнгөний бодлогын талаарх асуудал УИХ-д танилцуулууд батлагдах шатандаа орж байна. Үндсэн сэдвүүд болох валютын ханш, нөөц,  инфляц зорилтод түшингээс давлаа гэх мэт. Монголбанкнаас бодлогын хүүгээ нэмэхээс өөр арга хэмжээ авч  чадахгүй байна. Бодлогын хүү нэмэгдэнэ гэдэг нь бизнесүүд дээр мөнгө очихгүй л гэсэн үг шүү дээ. Төсөв томорч байна, төсвөөс гадуурх зарцуулалт ч өндөр байна.  Хөгжлийн банк дээр төрийн өмчит аж ахуй нэгжүүд дийлэнхийг нь эзэлдэг. Үүний эргэн төлөлтийн асуудал юу болж байгаа вэ. Мөн төрийн өмчит зарим байгууллага ашиггүй ажиллаж байгаа хэр нь  тогтоод байгаад байна. Тэдгээр байгууллага хаанаас санхүүжүүлэлт авдаг вэ. Үүнийг яаж зөв зохистой зохицуулах талаар хариулт авмаар байна.

Монголбанкны Ерөнхийлөгч Б.Лхагвасүрэн: Монгол Улсын ДНБ ойролцоогоор 50-55 их наядын хэмжээнд байгаа. Ирэх жилийн  ДНБ-ний  төсөөллийг  54-56 их наяд байхаар төсөөлж гаргасан. Хөгжлийн банкны зээлийн ихэнх  хувь нь төрийн өмчийн байгууллагад олгосон байдаг. Харин бусад банк хувийн аж ахуй нэгжид  түгээмэл зээл олгодог. Одоогоор Хөгжлийн банк үйл ажиллагаа нь доголдолтой байгаа учир ойрын хугацаанд төрийн өмчит байгууллагад зээл олгохгүй.