Хүнс хөдөө аж ахуй, хөнгөн үйлдвэрийн сайд Ж.Бат-Эрдэнэ хуулийн байгууллагад шалгуулж, хорих 461 дүгээр ангид хоригдож буй. Тэгвэл түүнийг үүрэгт ажлаас нь чөлөөлж, шинэ сайд томилох асуудлыг МАН-ын Удирдах зөвлөлөөр хэлэлцжээ. Тэгвэл ХХААХҮ-ийн дэд сайдад НАМОХ-ны Ерөнхийлөгч М.Ганхүлэгийг томилохоор санал оруулж, дэмжсэн байна. Түүнийг Засгийн газрын хуралдаанд танилцуулж, баталгаажуулах юм.
Тэгвэл М.Ганхүлэг гэж хэн бэ гэдгийг танилцуулж байна.
М.Ганхүлэг нь 1990 онд төрсөн, Ерөнхий сайдыг Засгийн газрын хэрэг эрхлэх газрын даргаар ажиллаж байх үед ЗГХЭГ-ын даргын олон нийтийн харилцаа хариуцсан зөвлөхөөр ажиллаж байжээ. Тэрбээр ХААИС-ийн Эдийн засаг, бизнесийн сургуулийг маркетингийн удирдлагаар төгссөн байна. 2020 оноос Хэнтий аймгийн ИТХ-ын төлөөлөгчөөр Хэрлэн сумын тавдугаар багаас сонгогдон ажиллаж байгаа юм.
"Ард контент групп"-ийн гүйцэтгэх захирлаас ажлын гараагаа эхэлж, 2020 онд МАН-ын улс төрийн бодлогын газрын дарга, 2022 оны гуравдугаар сараас НАМОХ-ны ерөнхийлөгч, 2022 оноос Ерөнхий сайдын ажлын албаны гишүүн, зөвлөх, Мөн Хэнтий аймгийн нутгийн зөвлөлийн гүйцэтгэх захирлаар ажилладаг аж.
Хөрөнгө орлогын мэдүүлэг
-
Нийт 31 сая төгрөгийн орлоготой
-
298 сая төгрөгийн орон сууц,
-
14 сая төгрөгийн үнэ бүхий Toyota, Prius XW30-1 загварын автомашин,
-
75 саяар үнэлэгдэх үнэт эдлэлтэй,
-
124 саяар үнэлэгдэх малтай, газар 15 сая төгрөгийн газартай гэжээ.
-
25 сая төгрөгийн хадгаламжтай бөгөөд, 201 сая зээлтэй гэж мэдүүлсэн байна.
-
Ашдын Түүчээ ХХК-ийн 80 хувь, Ард Контент Групп ХХК-ийн 50 хувийн хувьцаа эзэмшдэг аж.
| "БИТҮҮ МОРЬ" ХХААХҮ-ИЙН ДЭД САЙДАД НЭР ДЭВШИГЧ М.ГАНХҮЛЭГ ГЭЖ ХЭН БЭ |
|
