УИХ-ын чуулганы хуралдаанаар Шүгэл үлээгчийн эрх зүйн байдлын тухай хуулийн төсөл болон хамт өргөн мэдүүлсэн хуулийн төслүүдийг хэлэлцэж байна. Хэлэлцүүлгийн  асуудалтай холбогдуулан гишүүд асуулт асууж, үг хэлж, байр сууриа илэрхийлж байна. Энэ үеэр ХЗДХЯ-ны ТНБД П.Сайнзориг дараах байр суурийг илэрхийллээ

Тэрбээр, "Хуучин цагийн матаас гэдэг ойлголт хувь хүн рүү чиглэж байсан. Энэ удаагийн шүгэл үлээгч зөвхөн нийтийн эрх ашгийн төлөө гэдгээрээ ялгаатай. Нийтийн эрх ашгийг авилга ашиг сонирхол, нийтийн эрүүл мэнд, шударга өрсөлдөөн гэсэн тодорхой хүрээнд авч үзнэ. Хүлээж авах сувгийг хэт өргөн болгож болохгүй, зургаан байгууллага нь гэмт хэрэг зөрчлийг шалгадаг газар юм. Мөнгөн урамшууллыг заавал өгнө гэсэн үг биш. Шүгэл үлээлээ гэхэд шүүхээр эцэслэн шийдвэрлэгдэх ёстой. Үүний дараа мэдээлэл гаргасан этгээд хүсэлт гаргавал гэмт хэрэг, зөрчлийн улмаас орж ирсэн орлогоос тодорхой урамшуулал олгоно гэж байгаа. Нууц гэсэн халхавчийн дор олон авилга, ашиг сонирхлын хэрэг дарагддаг гэсэн олон нийтийн шүүмжлэлийг нээж өгч байгаа. Хувийн ашиг сонирхол, өс хонзон авах байдлаар шүгэл үлээхийг хориглож өгсөн байгаа. Тодорххой хуулийн харицуцлагатай байхаар зохицуулсан" гэлээ.