УИХ-ын чуулганы хуралдаан эхэллээ. Хуралдаанаар Шүгэл үлээгчийн эрх зүйн байдлын тухай хуулийг хэлэлцэх юм. Тэгвэл хэлэлцэх асуудлын дараалалтай холбоотой УИХ-ын гишүүн Б.Пүрэвдорж асуулт асууж байна.

УИХ-ЫН ГИШҮҮН Б.ПҮРЭВДОРЖ: Би 21 аймгийн 19 аймагт уулзалт хийсэн. Сүүлд Дундговь аймгийн Эрдэнэдалай суманд уулзалт хийлээ. Сумын Засаг дарга нь тойргийн гишүүдийг уулзалт хийгээч гэж байсан. Иргэд мах махан бүтээгдэхүүнийг худалдаж авахгүй байна гэсэн гомдол их гаргаж байна. Квотын асуудал маш их шүүмжлэл дагуулж байна Х.Болорчулуун гишүүн ээ. Маш хурдан экспортод махаа гаргаж, мөнгөө эргэлдүүлмээр байна. Махны компаниуд экспортын квотыг цөөн хэдэн компанид өгөх байх. Түүнийг нь бид дамлаж худалдаж авна даа гэж байна. 1000 орчим төгрөгөөр авна гэсэн. Нэг кг махаас 1000 төгрөг гэхээр 150 кг үхрээс 150 мянган төгрөг малчнаас хулгайлж байна гэсэн үг шүү. Үхрийн махны квотоо болио. Энэ жил 875 мянган тугал хүлээж авсан. Энэ жил 24 сая толгой мал байна гэж байгаа. Гэтэл бэлчээрийн даац хэцүү. Малчдын махыг худалдаж авдаг хүн гэж байхгүй, эмээлтийн хэрүүл тэмцлээс болоод экспортод гарч чадахгүй 300 орчим тэрбум төгрөгийн мах хоёр жил гарахгүй хадгалж байна. Экспортод махаа гаргахгүй болохоор малчдын амьдрал хэцүүдлээ.