Монгол Улсын Шадар сайд С.Амарсайхан стандартыг баримталдаг байх  талаар иргэдтэй зангиагүй уулзалт хийлээ.

     Тэрбээр “Эрүүл мэндийн салбарт асуудал бий. Эрүүл мэндийн салбараас ажил эхэлнэ гэдэг нь хүнсний салбараа орхино гэсэн үг биш. Нэн түрүүнд хүний эрүүл мэнд, амь нас, аюулгүй байдлын асуудлаа чухлаас нь эхлээд аль болох зэрэг авч явах зарчмыг баримтална. Стандартыг бүгдээс шаардах хэрэгтэй байна. Хүмүүсээс хариуцлага, ур чадвар, стандарт гэсэн гурван зүйлийг шаардъя. Төрийн албан хаагчаасаа эхлээд төрийн албан ёс зүй, харилцаа, бичиг баримтын хөтлөлт зэрэг тогтолцоог стандартад оруулахаас эхлэн бүх шатны салбарт стандартыг мөрдөх хэрэгтэй байна. Монгол Улс 6525 стандарттай, Австрали Улс 6000 стандарттай. Стандартын тоо улс орнуудад харилцан адилгүй байдаг. Хэдэн стандарттай байх нь чухал биш, хэр зэрэг хэрэгжүүлж чадаж байна вэ гэдэг л чухал. Бүх салбарт стандартаа мэддэг, мөрддөг байж, төр засаг, холбогдох байгууллагууд нь стандартаа ягштал хэрэгжүүлдэг байя” гэв.