Ардчилсан нам 2023 оны Монгол Улсын төсвийн төслийн асуудлын талаар байр сууриа илэрхийллээ.

   Ардчилсан намын Ерөнхий нарийн бичгийн дарга И.Мөнхжаргал “Монгол Улс анх удаа 20.5 их наяд буюу түүхэндээ хамгийн их мөнгө зарцуулах гэж байгаа. Төсвийн мөнгө бол Монгол Улсын иргэд, аж ахуй нэгжийн орлогоос авч байгаа татвар, хураамжаас бүтдэг байгаа. 2023 оны төсвийг улс орнуудын өнөөгийн болон гадаад нөхцөл байдалд дүн шинжилгээ хийж чадаагүй төсөв гэж харж байна.Төсөвийн орлого бүрдүүлэлтийг хэт өөдрөгөөр төсөөлж,  урсгал зардлыг хэт нэмэгдүүлсэн төсөв байна. Төсөвт хөрөнгө оруулалтыг тавиагүй гэж пиарын зорилготой хийж байгаагүй боловч 2020, 2021 онд хийж, хэрэгжүүлж, өөрсдийн тойрогтоо тавьсан төсөл хөтөлбөрүүдийг санхүүжүүлэх гээд, санхүүжүүлэхдээ инфляц түвшний өсөлтийг нэмэгдүүлж, заасан байна. Хэрэв өнөөдөр тендер авдаг компаниуд хэд билээ. Эрх баригчидтай ойрхон ойлголцдог хүмүүс барилга байгууламж, тендер авч, төртэй нийлж бизнес хийдэг байгаа. Энэ хүмүүсийн үнийн өсөлт, цалингийн нэмэгдлийг төсөвт суулгаад өгч байгаа юм байна. Үүгээр хувийн хэвшлээ дэмжиж байна гэж ойлгож болж байна. Тэгвэл нөгөө талдаа үнийн өсөлтөөс болж орлогоо алдаж байгаа ахмад настангууд, ажил хийж байгаа хүмүүсийн инфляцад өртсөн зөрүүг хэн өгөх юм бэ. Өнөөдрийн төсөв ахмадуудынхаа тэтгэвэр тэтгэмжийг нэмэгдүүлэх талд яагаад ямар ч тоо баримтгүй байна гэдгийг сануулж байна. Өнөөдөр бодит байдалд Монголбанк инфляцийн түвшин дөнгөж 14 хувьтай гэж танилцуулж байгаа. Зах зээлийн сагсыг бүрдүүлж байгаа 310 нэр төрлийн өргөн хэрэглээний бараа бүтээгдэхүүний дундаж өсөлтийг яриад байгаа” гэв.