УИХ-ын чуулганы энэ долоо хоногийн хуралдаанаар Засгийн газраас өргөн мэдүүлсэн Шүгэл үлээгийн эрх зүйн байдлын тухай хуулийн төслийг хэлэлцүүлнэ. Энэ талаар Хууль зүй, дотоод хэргийн сайд Х.Нямбаатараас зарим зүйлийг тодрууллаа.

          -Шүгэл үлээгчийн эрх зүйн байдлын тухай хуулийн төслийг өргөн мэдүүлснээс хойш жил орчмын дараа хэлэлцүүлэх гэж байна. Гишүүдийн зарим нь үүнийг “Матаачийн” хууль хэмээн шүүмжилж байгаа харагдсан. Та энэ хуулийн төслийн талаар мэдээлэл өгөхгүй юү?

       -Матаач гэдэг чинь хуучин нийгмийн үед л хэрэглэж байсан үг шүү дээ. Манайхан урагшаагаа дэвшиж, ахалж байгаа юм болгоно няцааж болохгүй.

          -Энэ хуулийн үзэл баримтлалын талаар мэдээлэл өгвөл?

-Анх Шүгэл үлээгчийг хамгаалах эрх зүйн орчинг 1978 онд АНУ-д бүрдүүлсэн. Өөрөөр хэлбэл, нийтийн албыг авлига, ашиг сонирхлын зөрчил бүхий хүмүүсийг нийтэд илчилдэг, томоохон коропораци санхүүгийн тайланг ил болгодог, аж ахуйн нэгж байгууллагын экологийн сүйрэл рүү хүргэж байгаа үйлдлийг илчилдэг харилцааг шүгэл үлээгчийн харилцаа гэж байгаа юм.

         -Төрийн нууцын тухай хуулиар хамгаалсан асуудлыг энэ хуульд хамааруулахгүй гэж байгаа шүү дээ. Тэгвэл энэ хууль чинь байгаа онох юм уу?

         -Төрийн нууцыг Төрийн нууцын тухай хуулиараа л хамгаалсан. Би тэр хуулийг нь зохиогоогүй учраас мэдэхгүй байна.