УИХ-ын чуулганаар Төлбөрийн чадваргүйдлийн тухай хуулийн шинэчилсэн найруулгын төсөлд хамт өргөн мэдүүлсэн хуулийн төслүүдийг хэлэлцэнэ. Хуулийн төсөлтэй холбоотойгоор гишүүд асуулт асууж, хариулт авна.

     УИХ-ЫН ГИШҮҮН Ш.АДЬШАА: Дампуурлын тухай хуульд төлбөрийн чадваргүй гэсэн нэр оруулж иржээ. Дамбуурлын чадваргүй гэдгээр явах нь зүйтэй байх. Үнэхээр чадваргүй болсон ААН, иргэн хэн ч дамбуурч байгааг төр зарлаж, нэрнээсээ хүртэл ичиж зовох ийм урьдчилан сэргийлэх ажил байна. Тиймээс төлбөрийн чадваргүй гэсэн сайхан нэр томъёог болих хэрэгтэй байх.  Хоёрдугаарт, Хөгжлийн банкны асуудалд ирээдүйд олгох орлогоор барьцаалж зээл авах асуудал байдаг. Ирээдүйд орлого олохгүй бол энэ Дамбуурлын хуулиар яах ёстой вэ. Мөн шүүхийн шийдвэрээр өр төлбөрөө барагдуулахгүй байгаа хүмүүс болон аж ахуй нэгж , хүмүүст ямар шат дараалалтай арга хэмжээ авах вэ. Түүнээс гадна дагалдах олон хуульд өөрчлөлт орох юм байна. Тэгвэл Сонгуулийн тухай хуульд яма зүйл заалтын өөрчлөлт оруулах вэ.

   ХУУЛЬ ЗҮЙ, ДОТООД ХЭРГИЙН САЙД Х.НЯМБААТАР:  1997 онд  батлагдсан, одоо хүчин төгөлдөр үйлчилж байгаа Дампуурлын тухай хуульд аж ахуйн нэгжийг татан буулгахтай холбоотой харилцааг түлхүү зохицуулж байгаа. Энэ нь тухайн аж ахуй нэгжийг төлбөрийн чадваргүйдлээс урьдчилан сэргийлэх, хуулийн этгээдийг дахин зохион байгуулах, төлбөрийн чадвартай мөртлөө санхүүгийн хүндрэлд орж зогсоосон хуулийн этгээдийг төлбөрийн чадваргүйдлээс нь урьдчилан сэргийлэхтэй холбоотой цогц харилцааг энэ удаагийн Төлбөрийн чадваргүйдлийн хуулиар зохицуулахыг зорьж байгаа.  Хоёрдугаарт, иргэний эрх, шүүхэд хянан шийдвэрлэх хуульд заасан процессийн дагуу дамбуурлын хэрэг үүсгэж, шийдвэрлэх процесс явагдаж байгаа. Тэгэхээр өнөөдөр дампуурлын харилцаа, төлбөрийн чадваргүйтлийн харилцаа хоёулаа процесс шаарддаг харилцаа. Иймээс төлбөрийн чадваргүйтлийн харилцаа болон дампуурлын хуульд байвал зохих процессийг Төлбөрийн чадваргүйдлийн хуулиар зохицуулж өгөхийг зорьж байгаа. Энэ процессоор зохицуулагдаагүй харилцааг нь иргэний эрхэд хянан шийдвэрлэгдэх хуулиар зохицуулья гэсэн агуулгаар орж, ирж байгаа. Дэлхийн банк, олон улсын валютын сан манай улсад санхүүгийн дэмжлэг үзүүлдэг доннор байгууллагын олон жилийн зөвлөмжид манай улс зохицуулахгүй бол манайд төлбөрийн чадваргүйтэлтэй харилцаа ужгирч, даамжирч дахин зохион байгуулах боломжгүй болтлоо дампуурал руу очиж байна.