УИХ-ын чуулган үргэлжилж байна. Энэ үеэр МХЕГ-ыг татан буулгаж байгаа талаар ЗГХГ-ын дарга Д.Амарбаясгалан мэдээлэл өглөө.

            Тэрбээр ”МХЕГ-ыг татан буулгаж байгаа гэж ойлгож болно. МХЕГ-ийн мэргэжлийн чиг үүргүүдийг салбар яамнуудад  шилжүүлнэ. Үүнээс нэг зүйлийг тодорхой ойлгох хэрэгтэй. Бодлого гаргаж буй салбар яамныхан гаргасан  бодлогынхоо хэрэгжилтэд хяналт тавьдаг байх шаардлагатай.  Ийм тогтолцоог бий  болгоход чиглэж ажиллаж байгаа. Хяналт шалгалт  гэдэг нь тухайн салбарт мөрдөгдөж байгаа чанар стандартыг хянаж, шалгах үүрэгтэй байгууллагыг хэлнэ. Хариуцлагыг эзэнтэй байлгах үүднээс Засгийн газраас ийм арга хэмжээг авч байна” гэлээ.