УИХ-ын чуулганаар 2023 оны төсвийн хүрээний мэдэгдлийг хэлэлцэж байна. Хуулийн төсөлтэй холбоотой гишүүд асуулт асууж, хариулт авч байна.

 УИХ-ын гишүүн Ж.Бат-Эрдэнэ: ДНБ-ний өсөлтийг таван хувьд хүргэнэ гэсэн байна. Яг ямар өсөлт аль салбар дээр гарах, үүний төлөө юу хийхээ эргэж нэг харах хэрэгтэй. Гадаад бондын өр, экспортоо нэмэгдүүлэх, импортоо орлох тал дээр ямар бодлого баримталж байна вэ? Төсөв хэдэн тоон дээр эргэлдээд л байдаг. Эцэст нь эдийн засгаа хэрхэн дээшлүүлэх тал дээрээ бид анхаарах хэрэгтэй. Хөдөө аж ахуй, орон нутгийн хөрөнгө оруулалтаа яаж төсөөлж, төлөвлөж байгаа эсэх нь тодорхойгүй. Төсвийн хүрээний алдагдал бууруулж байгаа нь сайн байна.  Ингэхийн тулд орлого, зарлага хэрхэн тэнцүүлэх вэ. Одоо зарлага нэмэгдсэн шинжтэй харагдаж байгаа.  Тэгвэл яаж орлого, зарлагаа хоёроо тэнцвэртэй байлгах тал дээр төсөвлөөд өгөх хэрэгтэй байна.

Эдийн засаг, хөгжлийн дэд сайд С.Наранцогт: Эдийн засгийн  өсөлтийг цар тахлын өмнөх үетэй ижил түвшинд хүргэхээр ажлаад явж байна. Хөдөө аж ахуй, аялал жуулчлалын салбарыг илүүтэй дэмжих талаар бодлого баримталж байгаа. Цар тахлын нөхцөл байдлаас хамаараад эдийн засаг тогтворгүй байдалтай байна.  2023 оны хагас жилийн гол зорилго бол макро эдийн засгийг тогтвортой байдлын хангахад чиглэж байгаа.