УИХ-ын чуулганаар 2023 оны Улсын төсвийн талаар хэлэлцэж байна. Хуулийн төсөлтэй холбоотой гишүүд асуулт асууж, хариулт авч байна.

    УИХ-ын гишүүн Ц.Анандбазар: Төсвийн хамгийн гол хөрөнгө оруулалтууд дээр тодорхой хариулт өгмөөр байна. Мөнгөн урсгал гэж Монгол Улсын амин чухал зүйл. Үүнийг хэн зохицуулж, хянаж байгааг би Байнгын хорооноос олон удаа асуусан.  Ер нь мөнгөн урсгалын удирдана гэдэг  санхүүгийн өндөр мэдлэгтэй, аж ахуй, тооцоо мэддэг хүний хийдэг ажил. Олон хүн нийлж мөнгөн урсгалыг тогтвортой барина гэж байхгүй. Тийм ч учраас  төсвийн мэдэгдлийн хүрээнд энэ зүйл өрийн тааз, урсгал зардал нэмэгдүүлээд, үр өгөөжгүй олон зээл авахаар орж байна. Гадаадаас авч байгаа ч тэр нь ажлын байр нэмэгдүүлдэггүй, эдийн засаг үр өгөөжөө өгөхгүй төслүүдийг сонгож, санхүүжүүлээд байхаар эдийн засаг цаашдаа улам хүндэрнэ. Хэрвээ энэ төсвийн хувьд өрийн таазыг нэмье гэж байвал урсгал зардлаа танах хэрэгтэй. Урсгал зардлаар өр зээл нэмдэггүй юм. Үр дагаврыг нь мэдсээр байж ийм зүйл хийгээд байвал Монгол Улсын эдийн засаг улам дордоно. 2024 онд улсаа хэцүү эдийн засагтаа  хүргэмээргүй байна. Төсвийг эргэн задалж ярих хэрэгтэй. Хөдөө орон нутгийн хөрөнгө оруулалтыг бүрэн танасан байна. Түгжрэлд хөрөнгө оруулна гэсэн  байх юм. Түгжрэл мөнгөөр шийдэгддэг зүйл биш, шинэлэг санаа, технологи, зөв менежментээр бууруулна. Урсгал зардал 2.3 их наядаар нэмэгдсэн байна.  Үүнийгээ танах хэрэгтэй, ийм төсөв оруулж ирж болохгүй.

САНГИЙН ЯАМНЫ ТӨСВИЙН БОДЛОГО, ТӨЛӨВЛӨЛТИЙН ГАЗРЫН ДАРГА Ж.ГАНБАТ: Төрийн сангийн мөнгөн хөрөнгийг аль ч улсын Сангийн яам төрийн сангаа удирдаад явдаг.  Бид энэ хүрээндээ л ажлаад явж байгаа.  Өрийн таазыг ирэх жил нэмэгдүүлсэн зүйлгүй. Тогтвортой байдлын хуульд заасан хэмжээнд барих болно. 2017 онд 72.5 хувьд байсан гадаад бондын өрийг бид жил ирэх тусам бууруулж байгаа. Энэ оны төсвийн алдагдлыг мөн адил багасгасан төсөв өргөн барьсан.