УИХ-ын чуулган нэгдсэн хуралдаанаар 2023 оны төсвийн хүрээний мэдэгдлийг хэлэлцэж байна. Хэлэлцэж буй асуудалтай холбоотой УИХ-ын гишүүд асуулт асууж, хариулт авч байна. 

УИХ-ЫН ГИШҮҮН С.ЧИНЗОРИГ: Төсвийн хүрээний мэдэгдэл нь тогтвортой байх ёстой гэж үздэг. Төсвийн талаар таван жилийн хугацаанд баримтлах суурь үзүүлэлтээ батлаж байна. Сүүлчийн жилүүдэд жил болгон өөрчилж байна. Ингэж өөрчлөөд байвал батлах ямар ч шаардлага алга. Цаашид үүнийгээ тогтвортой байлгах тал дээр Засгийн газар, Сангийн яам ямар бодлого баритлаж байна. Төсвийн хүрээний мэдэгдэл өөрчлөлт орсноор өрийн тааз 65 хувьд хүрэх юм байна. Миний ойлгож байгаагаар 51 хувьтай байгаа. Өрийн таазаа 14 хувиар өсгөх шаардлага байгаа юу. Өрийн тааз нэмэгдэхээр дахиад өр авах боломжтой гэж бодох байх. Гаднаас нэмж зээл авах юм уу. Ямар зээл, ямар хэмжээтэй, хэдэн хувьтай зээл авах гээд байгаа юм бэ. Жилийн найман хувиас доош хүүтэй зээл олдохгүй л байх.

САНГИЙН ЯАМНЫ ТӨСВИЙН БОДЛОГО, ТӨЛӨВЛӨЛТИЙН ГАЗРЫН ДАРГА Ж.ГАНБАТ: Төсвийн хүрээний мэдэгдлээ бид тавдугаар сард өргөн мэдүүлсэн. Төсвийн тогтвортой байдлын тухай хуульд өрийн дээд хязгаарыг зааж өгсөн байдаг. Ирэх онд 65 хувь, дараагийн хоёр жил 60 хувь байхаар тусгаж байгаа. Одоо байгаа 51 хувиа нэмэгдүүлж байгаа юм шиг харагдаад байгаа. Гадаад хүчин зүйлсээс нөлөөлж ийм байдлаар тавьсан. Засгийн газрын өр энэ оны хагас жилийн байдлаао 28.5 их наяд төгрөг байна. Энэ нь ДНБ-ний 50.1 хувьтай тэнцэж байгаа юм. 

Ирэх жилд бондын төлбөр хийнэ. Заримыг нь төсвөөсөө төлнө. Гадаад бондын хүүгийн төвшин зээлжих зэрэглэлээс хамаарч хэлбэлзэлтэй байгаа. Зээлжих зэрэглэлээ бид хадгалж үлдэж чадсан. Бид 500 гаруй сая ам.долларын өр хавар төлөх үүрэгтэй. Ирэх жил бид шинэ бонд гаргаж, төсвийн алдагдлыг санхүүжүүлэхгүй