УИХ-ын Хянан шалгах түр хороо Хөгжлийн банкны асуудлаар хаалттай хуралдлаа. Хуралдааны дараа Нийслэлийн прокурорын газрын ерөнхий прокурор Ц.Ариунболд "Хаалттай хуралдааны талаар мэдээлэл өгөх боломжгүй. Үндсэндээ өнгөрсөн хугацаанд найман тэрбум гаруй төгрөгийн зээл төлөгдсөн гэж байгаа. Хөгжлийн банкны хэрэгтэй холбоотой 86 хүнд эрүүгийн хэрэг үүсгэж, мөрдөн шалгаж байна.

          Зээлээ төлсөн ч гэм буруутай гэдгийг нь тогтоож, хариуцлага хүлээлгэнэ. Хөгжлийн банкны хэргийг шалгахад мөрдөх байгууллагын хүний нөөц хомс байна. Мөрдөх байгууллагын 15, прокурорын зургаан хүн өдөр шөнөгүй ажиллаж байна. Зээлдүүлэгч маш олон байна. Бид аль болох түргэн арга хэмжээ авах тал дээр ажиллаж байна. Хөгжлийн банкны хэргээр төрийн өндөр алба хашиж байсан зургаан хүнийг шалгаж байна" гэв.