УИХ-ын чуулганы нэгдсэн хуралдаанаар 2023 оны төсвийн төслийг хэлэлцэж байна. Хэлэлцэж буй асуудалтай холбоотой гишүүд асуулт асууж, хариулт авч байна.

        УИХ-ЫН ГИШҮҮН Н.ЭНХБОЛД: Бид Тогтвортой байдлын төслөө барьсан гэж харж байна. Төсвийн жилийн том зарчмуудаа эрэмбэлэж оруулж ирсэн байна. Энэ зорилтуудыг төр дангаараа хийж чадахгүй. Хүнсний үйлдвэрлэл,  аялал жуулчлал, хөнгөн үйлдвэрийн салбарыг онцгойлон дэмжнэ гэсэн байна. Миний ярих зүйлийг тойргийн асуудал гэж битгий хараарай. Төв, Сэлэнгэ аймгийн хүнсний хангалт, аюулгүй байдал нь валютын нөөцийг нэмэгдүүлэх том төсөл энд явж байгаа юм. Энэ нь Төв аймгийн Угтаал, Заамар, Цээл, Сэлэнгэ, Эрдэнэт, Дарханы холбосон замын сүлжээний асуудал бий. Төв аймаг, Сэлэнгэ, Дарханы замын логисткийг хийчихвэл болно. Энэ жил энэ замын төсвийг 50 км хүргэчихвэл болох юм. Цаана нь 50 үлдэнэ, Ингээд 2024 онд дуусгачихвал. Би буруу асуулт асуугаад байна уу.

      САНГИЙН САЙД Б.ЖАВХЛАН: Та байнга л зөв асуудаг учраас эргэлзэхгүй байна. Төсөв өртгөөрөө 115 тэрбум төгрөгийн төсөвтэй Төв аймгийн Угтаалцайдам, Цээл, Заамарыг холбох зам юм байгаа юм. Үүний төсөвт өртгийг 185 тэрбум гээд ороод ирсэн.  Үүнд аудит хийх шаардлагатай. 70 хувиар төсөв нь нэмэгдсэн. Ирэх жил энэ замыг үргэлжлүүлнэ.