Төрийн ордонд "Халамжаас хөдөлмөрт" хэлэлцүүлгийг зохион байгуулж байна. Энэ үеэр Хөдөлмөр нийгмийн хамгааллын сайд Д.Сарангэрэл илтгэл тавилаа. Тэрбээр “Монгол Улсын ядуурлын түвшин 2020 онд 27.8 байжээ. Энэ нь 2018 онтой харьцуулахад буурсан үзүүлэлт байна. Цар тахал гараагүй бол үүнээс буурах боломж байсан.

 

       Халамжийн бодлого хавтгайрснаар хүмүүс ажил хийх сонирхолгүй байна. Гэхдээ дан ганц ингэж үзэж болохгүй. Хөдөлмөрийн насны олон хүн яагаад ажил хийх сонирхолгүй байна вэ гэдэг нь чухал байна. Ажил хийх боломжтой 207800 хүн байгаагаас

        Нэгдүгээрт, төрийн алба хаагчийн цалин, хөлсний асуудал . Үүнийг 2023 оны төсвөөр хэлэлцэнэ. Хоёрдугаарт, тэтгэврийн шинэчлэл хийх цаг нь болсон. Гуравдугаарт, халамжаас хөдөлмөрт шилжих боломжийн талаар. Дөрөвдүгээрт, хүн амын хөгжлийн бодлогын талаар ажиллана.

 

          Хүүхдийн мөнгөний асуудлын талаарх мэдээллийг өгч байгаагаас мөнгө олгох асуудал Сангийн яамны мэдэлд төсөв нь очсон байна. 26 мянган өрхөд манай яам хүрч ажиллана. Зурагт, хөргөгчөөр хэмжих асуудал байхаа больсон. Хөдөлмөрийн насны хүмүүс хөдөлмөр эрхлэхгүй байгаад анхаарах хэрэгтэй. Халамжаас хөдөлмөрт шилжих хөтөлбөрийн хүрээнд ядуурлын түвшингээс доогуур орлоготой 1500 өрхийг эхний ээлжинд ядуурлаас гарах зорилт тавьсан. Эхний ээлжид Баянзүрх, Чингэлтэй, Сонгинохайрхан дүүргийн дэмжих шаардлагатай өрхөө сонгож, тухайн гэр бүлийн хөдөлмөр эрхлэх чадвартай 18-55 насны иргэнийг хамруулна. Хоёр сарын хугацаанд үсчний мэргэжил эзэмшүүлж, сэнс, сам зэрэг шаардлагатай тоног төхөөрөмжийг нь авч, суудал түрээслүүлээд суулгана. Мөн гэр бүлийг нь харж, хөдөлмөр эрхлэх боломжийг нь хангах юм. Энэ ажил арваннэгдүгээр сараас эхэлнэ. Энэ загвар амжилттай болбол Монгол Улс ядуурлаас гарах загвар бүрдэнэ.