Засгийн газрын өнөөдрийн хуралдааны үеэр Сангийн сайд Б.Жавхлан цементийн импортын татварыг он дуустал тэглэх тухай мэдээлэл өгсөн.

    Тэрбээр мөн "Дараагийн бидний авах ёстой арга хэмжээ бол  тээвэх, ложистикийн асуудал. Хэдийгээр гаалийн асуудалд өөрчлөлт оруулж байгаа ч тээвэр ложистик асуудалд мөн арга хэмжээ авахгүй бол  дараагийн хүндрэл үүсэх нөхцөл бий болно. Тиймээс үлдсэн богинохон бүтээн байгуулалтын хугацаанд хувийн хэвшлийн бүхий л бүтээн байгуулалт болон зам тээврийн бүтээн байгуулалтын ажлыг эцэслэх юм. Тэр дундаа Улаанбаатар-Дарханы замыг энэ жил гэхэд хатуу хучилттайгаар бүрэн хөдөлгөөнийг нь нээх зорилготой ажиллаж байна. Хэрэв цементийн нийлүүлэлт тасрахгүй бол бид зорилтоо тавин ажиллахад, аравдугаар сарын сүүл гэхэд Улаанбаатар-Дарханы чиглэлд хатуу хучилттайгаар бүрэн хөдөлгөөнийг нээнэ. Цаашлаад дараа жил гэхэд дөрвөн эгнээ буюу хоёр урсгалт замаа бүтэн ашиглалтад оруулах зорилт тавьж ажиллана" гэв.