Засгийн газрын ээлжит бус хуралдааны шийдвэрийг танилцууллаа. Энэ үеэр Засгийн газрын хэрэг эрхлэх газрын  дараг Д.Амарбаясгалан мэдээлэл өглөө. Тэрбээр “Үндэсний хэмжээнд үүрэг авч ажиллах боломжтой хороодыг үүрэг Улаанбаатар хотын түгжрэлийг бууруулах үндэсний хороо, агаарын бохирдлыг бууруулах, спортыг дэмжих үндэсний хороо зэрэг 20 орчим хороо байгуулах үүрэг, чиглэл өгсөн. Хоёрдугаарт нь, 2023 оны улсын төсвийг олон нийтийн дунд хэлэлцүүлэг зохион байгуулж, УИХ-д өргөн барихыг Ерөнхий сайд үүрэг өгсөн. Мөн Эрдэнэс монгол ХХК-ийг Монгол Улсын баялгийн сан болгох чиглэлийг Ерөнхий сайд сүүлийн жилд анхаарч ажиллаж байгаа. Энэ хүрээнд тус компанийн гүйцэтгэх удирдлагыг олон улсад ажилласан туршлагатай гадаад, дотоодын иргэдийн дунд сонгон шалгаруулалт зарлаж, Гүйцэтгэх захирлыг томилно. Манай улсад үйл ажиллагаа явуулж буй аж ахуйн нэгжүүдийг тооллогыг таван жилд нэг удаа явуулж байсан. Хамгийн сүүлийн тооллогод 180 мянган аж ахуйн нэгж, 53.9 хөдөлмөр эрхлэгч бүртгэгдсэн байна. Гэвч цар тахлын улмаас авч хэрэгжүүлсэн зарим арга хэмжээний явцад авч хэрэгжүүлсэн энэ үед тоон мэдээлэл хэрхэн өөрчлөгдсөн болохыг судлах шаардлагатай” гэсэн юм.