Хөгжлийн банкны хэрэгт Монголбанкны Ерөнхийлөгч Б.Лхагвасүрэнг холбогдуулан шалгажээ. Тус хэрэгт нэр холбогдсон 80 хүнийг АТГ-аас мөрдөн шалгаж, прокурорт шилжүүлсэн талаар бид өмнө нь мэдээлсэн. Үүнд УИХ-ын гишүүн Г.Амартүвшин, Н.Алтанхуяг, Ё.Баатарбилэг, Х.Ганхуяг нар яллагдагчаар татагдаж байсан. Харин Монголбанкны Ерөнхийлөгч Б.Лхагвасүрэн "Бэрэн групп" ХХК-д зээл олгосон асуудлаар мөн яллагдагчаар татагдан, шалгуулж байгаа аж. Ингэхдээ түүнийг  Эрүүгийн хуулийн 22.1, "Эрх мэдэл, албан тушаалын байдлаа урвуулан ашиглах" зүйл ангид үндэслэн яллагдагчаар татсан байна.