УИХ-ын гишүүн Ц.Туваан, Н.Ганибал, Б.Бейсен, Ш.Адьшаа нар хуралдаж, О.Цогтгэрэлийг УИХ дахь АН-ын бүлгийн даргаар сонгосон. Тус шийдвэрийг УИХ-ын дарга Г.Занданшатар чуулганы индэр дээрээс уншиж танилцуулснаар тэдний шийдвэр баталгаажсан. Харин Д.Ганбат, С.Эрдэнэ нарын УИХ дахь АН-ын бүлгийг тарааж зөвлөл байгуулж байна гэж мэдэгдсэн.

     Учир нь УИХ-ын даргын зөвлөлийн гишүүдийг шинэчлэн баталсан байна. Тодруулбал, тус зөвлөлөөс УИХ-ын гишүүн Д.Ганбатыг АН-ын бүлгийн даргаас огцорсон гэж үзэн хасаж, О.Цогтгэрэлийг УИХ дахь АН-ын бүлгийн даргын хувиар нэмжээ. Сонирхуулахад, УИХ-ын даргын зөвлөл нь чуулганаар хэлэлцэх асуудлын дараалал зэргийг гаргадаг парламентын нэг чухал бодлогын бүтэц юм.