Монгол Улсын Ерөнхий сайд Л.Оюун-Эрдэнэ Засгийн газрын гишүүнийг томилох тухай захирамжид гарын үсэг зурж, өнөөдөр албан ёсоор Засгийн газарт УИХ-ын гишүүн сайдуудыг томиллоо. Засгийн газрын гишүүн, Эдийн засаг, хөгжлийн сайдаар УИХ-ын Төсвийн байнгын хорооны дарга Ч.Хүрэлбаатарыг томилж байгаа. Үүнтэй холбоотойгоор Эдийн засаг, хөгжлийн сайд Ч.Хүрэлбаатарын өнгөрсөн онд АТГ-т мэдүүлсэн хөрөнгө орлогын мэдүүлгийг хүргэе байна.

                              Засгийн газрын гишүүн, Эдийн засаг, хөгжлийн сайд, УИХ-ын Төсвийн байнгын хорооны дарга Ч.Хүрэлбаатар 1968 онд Увс аймгийн Улаангом суманд төрсөн. 1986 онд Улаангом хотын 10 жилийн II дунд сургууль, 1991 онд ОХУ-ын Ленинград хотын Санхүү, эдийн засгийн дээд сургууль, 1998 онд Австралийн Сидней их сургуулийг тус тус төгссөн. Магистр зэрэгтэй эдийн засагч. Өдгөө эхнэр, хүүхдүүдийн хамт амьдардаг. Тэрбээр,

• 1991-1992 онд Yндэсний хөгжлийн яаманд эрдэм шинжилгээний ажилтан,
• 1992-1995 онд Монгол Улсын Их Сургуулийн Эдийн засгийн сургуульд багш,
• 1998-2000 онд Засгийн газрын дэргэдэх Эдийн засгийн бодлогын чадавхыг дэмжих төсөлд ахлах эдийн засагч,
• 2000-2003 онд Ерөнхий сайдын эдийн засгийн бодлогын зөвлөх,
• 2003-2007 онд Санхүү, эдийн засгийн яамны Төрийн нарийн бичгийн дарга,
• 2007-2008 онд Засгийн газрын гишүүн - Түлш, эрчим хүчний сайд,
• 2008-2012 онд Улсын Их Хурлын гишүүн,
• 2008-2009 онд Улсын Их Хурлын Төсвийн байнгын хорооны дарга,
• 2009-2012 онд Засгийн газрын гишүүн-Монгол Улсын сайд, Засгийн газрын Хэрэг эрхлэх газрын дарга,
• 2012-2016 онд Улсын Их Хурлын гишүүн,
• 2016-2017 онд Улсын Их Хурлын Төсвийн байнгын хорооны дарга,
• 2017-2021 онд Засгийн газрын гишүүн, Сангийн сайд,
• 2020 оноос Улсын Их Хурлын гишүүн, 2021 оноос одоог хүртэл Улсын Их Хурлын Төсвийн байнгын хорооны даргаар ажиллаж байгаа.

. Эдийн засаг, хөгжлийн сайд Ч.Хүрэлбаатар 42.3 сая төгрөгийн орлоготой. Харин гэр бүлийн гишүүдийн нийт орлого нь 115.5 сая төгрөг. Мөн 303 сая төгрөгөөр үнэлэгдэх гурван орон сууц, нэг зуслангийн байшинтай. 15 сая төгрөгөөр үнэлэгдэх үнэт эдлэл, 629 сая төгрөгийн хадгаламжтай гэж АТГ-т мэдүүлжээ.