Засгийн газрын шинэ сайд нар тангараг өргөж ээлжит бус чуулганы үдээс өмнөх хуралдаан дууссан. Одоо УИХ-ын байнгын хороод хуралдаж зарим байнгын хороодын дарга нарыг томилох асуудлыг хэлэлцэж байна. Тухайлбал УИХ-ын гишүүн, Хууль зүйн байнгын хорооны дарга С.Бямбацогт Зам тээврийн хөгжлийн сайдаар томилогдсонтой холбоотой тус байнгын хороог даргалах хүнгүй болсон.

Тэгвэл УИХ-ын Хууль зүйн байнгын хороог УИХ-ын гишүүн Л. Мөнхбаатар даргалахаар болж, гишүүд 100 хувийн саналаар дэмжжээ.