Зам, тээврийн хөгжлийн сайдаар УИХ-ын гишүүн С.Бямбацогт томилогдлоо. Тэрбээр энэ үеэр мэдээлэл өгөхдөө “Өчигдөр салбарын мэдээллүүдтэй танилцсан. Хамгийн тулгамдсан асуудал бол Дарханы зам. Тиймээс тус замыг нэг урсгалын энэ ондоо багтааж  ашиглалтад оруулахад анхаарч байна. Монгол Улсын эдийн засаг, төсөв санхүүгийн байдал хүндрэлтэй байгаа. Тийм учраас боомтын төмөр замуудыг хурдан эхлүүлэх, чингэлэг тээврийн олон ажил хүлээгдэж байгаа. Өнөөдөр яамныхантайгаа танилцаж, тамгаа хүлээж авна. Тодорхой үүрэг даалгавар өгнө. УИХ-ын гишүүн болохоосоо өмнө бизнес эрхэлж байсан. Тэр дундаа автозамын салбар, бүтээн байгуулалтын ажилд оролцож байсан. 2013 он хүртэл зам, гүүр, барилга угсралтын ажлуудаа хийдэг байсан. Сүүлийн 10-аад жил энэ ажлаа хийхээ больсон. Тиймээс надад ямар нэгэн ашиг сонирхлын зөрчил байхгүй. Маргаашнаас Дарханы замтай танилцана" гэв.