С.Эрдэнийн хажууд одоо хэн ч үлдсэнгүй. Хийсэн хэргээ хүлээн зөвшөөрч, шоронд орохгүйн төлөө Монгол ардын намд үйлчилж,  Ардчилсан намыг “булшилж” байгаа хүн бол тэр. Өөрөөр хэлбэл, өөрийн амин хувийн ашгийнхаа төлөө том намыг золиосолж, тоглоомын суурь болгосоор дууслаа. Тэгээд бүр шат дараатайгаар тоглохыг нь яана. Өөрийнх нь эсрэг, сөрөг хүчний хэнийг ч байсан тэр үзэхгүй намаасаа хөөж, өөрөөсөө түлхэж байгаагийн гол гогцоо нь ердөө аавын хаалга татахаас л айсан явдал.

     Ер Ардчилсан намаа тарааж, “амьгүй” болоод удаж байгаа намыг сэргээх нэгэнд тамгаа өгөх л юм бол түүнийг шорон отож байгаа гэдгийг хамгийн сайн мэддэг болохоор эсрэг намынхаа “боол” болж, хүссэн захиалгыг нь үг дуугүй биелүүлсээр яваа нь энэ. Түүнд Монгол ардын намаас өгсөн хамгийн сүүлийн даалгаврыг тэр өчигдөр гүйцэтгэлээ. Үндсэндээ намын нөхдөө “хөөж” гаргаад ганцаараа намынхаа хөрсөн тулгыг ширтэн сууж, биеэ бөөцийлсөөр. Түүнийг 2016 онд Ардчилсан намын дарга болсноос нь хойш тус нам өөдлөхгүй, сонгуульд ялалт байгуулахгүй байгаагийн шалтгаан ердөө энэ. Үндсэндээ Монгол Ардын нам С.Эрдэнэ гэсэн үнэнч туслахтай болж, Ардчилсан намыг дээш гаргахааргүйгээр хөндий рүү унагасан. Хэрэв тэр даргын суудлаа өгч, энэ тоглоомноос гарах л юм бол Ардчилсан намын “амь” сэргэж  Монгол Ардын нам эргээд хүчтэй өрсөлдөгчтэй болно гэсэн үг. Ийм л болохоор МАН нэг талаараа айж, С.Эрдэнийг хэргээр барьцаалан сонгуульд ялалт байгуулж, Ардчилсан намыг атгандаа хийчихээд буй. Гэхдээ энэ байдал хэр үргэлжлэхийг С.Эрдэнэ л мэднэ. Түүний өмнө  намаа тараах уу, шоронд орох уу гэсэн сонголт байсаар байгаа.

-С.ЭРДЭНИЙН ШОРОНД ОРОХГҮЙ БАЙХ ГАНЦ АВРАЛ МАН-

    Шорон уу, нам уу гэсэн хатуу сонголт бол С.Эрдэнийн орших уу, эс орших уу гэдэг сонголт. Тэр одоогоор баттай сонголт хийгээгүй ч өрсөлдөгч намынхаа даалгавараар ажилласаар байна. Ингэхдээ Ардчилсан нам гэх халуун ам бүлийн гишүүдийн дунд хэрүүл тарьж, хооронд хагаралдуулж байгаа. Түүний сонголтыг тодруулж өгүүлбэл, Монгол Ардын намаас түүнийг намаа ялуулахгүй юм бол өөрөө шоронд орно гэж сүрдүүлээд буй. Үндсэндээ ийм нэг дарамтад орсон бүлэг л өнөөгийн Ардчилсан намд буй. Нам нь нам шиг оршихоо байсны үндэс суурь нь ердөө энэ. Тэгээд л хамаг гишүүдээ холтгон зайлуулж, хажуудаа хэнийг тогтоохгүйгээр өдөржин шөнөжин айж, эмээж, “Намаа л унагавал” шоронд орно гэх байнгын айдастай суугаа. Мэдээж зүгээр байхад нь шоронд хийхгүй. С.Эрдэнэ бол Монголын улс төрийн зүгээр ч нэг эсрэг дүр биш. Идэж, ууж, хулгайлан дээрэмдэж өөрийн зоорь руу гаа зөөдөг нэгэн. Байнгын өөртөө авдаг түүнийг буруу булхай бүхэн илчлэгдэж, шалгагдаж байгаа болохоор тэр шоронгийн хаалга татахад ойрхон байгаа юм.

-ХАМАГ БҮХНИЙ ҮНДЭС БУЮУ ТҮҮНИЙ ХЭРГҮҮД-

      Тэр 2016 онд Ардчилсан намын даргаар сонгогдсоноос хойш тус намын хувь заяа бараанаар эргэсэн. Өөдлөн дэвжих, өргөжин тэлэх гэдэг ойлголт бол хол хаягдсан. Намын дарга болсноосоо эхлэн “Ардчилсан намыг эрүүгийн хэрэгтнээр удирдууллаа” гэсэн шүүмжлэлийг дагуулж, тэр үеэс л ад шоо үзэгдэж эхэлсэн. Гэхдээ ад шоо үзэгдэж эхэлсэн. Тухайн үед нэрт нийтлэлч  Баабар “ Та нар С.Эрдэнийг даргаараа сонгох гэж байгаа юм уу.Шоронд орсон хойно нь намаараа очиж эргэх үү” гэсэн гэдэг. Учир нь тэрбээр 2008 онд Улсын нийгмийн даатгалын ерөнхий газрын даргаар ажиллаж байхдаа нийгмийн даатгалын хөрөнгийг шамшигдуулсан хэрэгт татагдан шалгагдаж, Баянгол дүүргийн шүүхээс зургаан жилийн ял сонссон. Мөн “Дарханы гурил тэжээл” ХК-нд 16 тэрбум төгрөгийн  шурилын элеватор шахсан хэрэгт холбогдсон. Түүний хийсэн хэргүүдээс хүмүүсийн сайн мэдэх нь энэ. Ер буруу булхай бүхэнтэй нэр нь холбогддог эрхэм бол тэр. Мафийн хамсаатан, ардчилсан намыг бүлэггүй болгосон, Эрднэт үйлдвэрийн 49 хувийн луйврыг хамгаалсан гээд С.Эрдэнэгүй зайлхай, булхай, муу муухай зүйл гэж байхгүй.

Тэр ер улс төр гэх киноны эсрэг дүрийг тултал бүтээж байгаа нэгэн. Ямар ч найруулагч, продюсерийн чиглэлгүйгээр бүхий л хамаг л авьяас, мэдрэмжээрээ дүрээ гаргаж, ёстой чиг үзүүлэх шиг болж байгаа нэгэн. Түүний кино хэзээ дуусахыг таашгүй.