Монгол Улсын Ерөнхий сайд Засгийн газрын шинэ бүрэлдэхүүнийг Монгол Улсын Ерөнхийлөгчид танилцуулав. Монгол Улсын Үндсэн хуулийн 39 дүгээр зүйлийн 3, 4 дүгээр зүйлд заасны дагуу Монгол Улсын Ерөнхий сайд Лувсаннамсрайн Оюун-Эрдэнэ Монгол Улсын Засгийн газрын гишүүнээр томилогдохоор нэр дэвшээд байгаа хүмүүсийг Монгол Улсын Ерөнхийлөгч Ухнаагийн Хүрэлсүхэд танилцууллаа.

      Энэ үеэр Ерөнхий сайд Л.Оюун-Эрдэнэ “Үндсэн хуульд нэмэлт, өөрчлөлт орсонтой холбогдуулан Засгийн газрын зарим гишүүнийг солих нь зүйтэй гэж үзэж байна. Ялангуяа Засгийн газраас дэвшүүлэн гаргасан Шинэ сэргэлтийн бодлого, дэлхий даяар үүссэн цар тахлын нөхцөл байдалтай холбогдуулан аж ахуйн сайд нарыг УИХ-ын  гишүүн байх нь зүйтэй гэж үзсэн” гэв.