Шинэ Засгийн газар 21 сайдтай болох талаар бид өмнө нь мэдээлсэн. Сайд солих ид ажлын үеэр Ерөнхий сайд Л.Оюун-Эрдэнэ өнгөрсөн хугацаанд  түшиг болж байсан Боловсрол соёл, шинжлэх ухааны сайд Л.Энх-Амгалан, Сангийн сайд Б.Жавхлан Хууль зүй, дотоод хэргийн сайд Х.Нямбаатар нарыг авч үлдэхээр болсон байна. Ингэхдээ Х.Нямбаатарыг ЗГХЭГ-ын даргаар томилж, Ц.Нямдорж Үндсэн хуулийн Цэцийн дарга болно гэх мэдээлэл бий. Мөн Нийслэлийн Засаг дарга бөгөөд Улаанбаатар хотын захирагч Д.Сумъяабазарыг авч үлдэх тохироо хийсэн талаар эх сурвалж мэдээлсэн юм.