Ардчилсан намын бүлгийн даргын суудалд О.Цогтгэрэл сууж, Д.Ганбат гишүүнийг картыг нь сугалжээ. Тэгвэл  уг явдлыг УИХ-ын гишүүн Д.Ганбат эсэргүүцэж, чуулганы хуралдааныг үймүүлэв.

Тэрбээр УИХ-ын чуулганы хуралдаанаар суудлаасаа босож, Ж.Мөнхбат гишүүнийг үг хэлэх үед “УИХ-ын гишүүний бүрэн эрхэд халдаж байна. Ийм луйвраар Үндсэн хуулийг өөрчилж болохгүй, та нар. Ард түмнээс асуу” гэлээ.

           Харин УИХ-ын дарга Г.Занданшатар “Дашдондогийн Ганбат гишүүн суудалдаа суу. Чуулганы дэг сахиулахыг сануулж байна” хэмээн алх цохив.  

Мөн УИХ-ын гишүүн Ж.Мөнхбат “Д.Ганбат гишүүний картыг бүлгийн дарга О.Цогтгэрэл нь сугалсан юм байна” гэж хэллээ.