УИХ-ын гишүүн С.Ганбаатар чуулганы үеэр дараах байр суурь илэрхийллээ.

          Тэрбээр “Монгол ардын нам өөрсдийгөө булшилчихлаа. Та нар одоо дууслаа. Улстөржсөн мэдэгдэл биш шүү. МАН Үндсэн хуульд халдчихлаа. Төрийн эрхийг хууль бусаар авах бүх булай ажлыг хийлээ. Гурван зүйл хэлмээр байна. Нэгдүгээрт, энэ бүхний үндсэнд сайдын суудалд шунасан хэдэн нөхдийн хүсэл хангагдах байх. Бүгдээрээ давхар дээлтэй болно. Ёс зүйн хувьд УИХ-д сонгогдохдоо, гишүүн болохдоо төсөв, хууль батална гэсэн. Гэтэл одоо төсвийг захиран зарцуулах эрхийг авч байна гэсэн үг. Энэ гишүүд нь давхар дээл нэрийдлээр мөнгө захиран зарцуулах эрхийг бид өөртөө авч байна гэсэн үг. Энэ эрхийг гишүүд ҮХЦ-ээр захиалга хийж авлаа. Цэцийн хэдэн долдой нараар...

Үндсэн хуулийн эзэн нь ард түмэн. Бидэнд ард иргэд 500, 600 хууль батлах эрх олгосон. Адуу хулгайлсан иргэнд хэдэн жилийн ял оноох хууль батлах эрх бий, бидэнд. Гэхдээ УИХ-ын гишүүд өөрсдөдөө азарга, азаргаар нь адуу хулгайлах хийх төсөв баталж байна. “Монголын улстөрчид ард түмний эрх ашгийг золиосолж, өөрсдөө давуу байдал олгож, хууль баталж, хулгай хийж байна уу” гэдгийг ҮХЦ хянах ёстой. Түүнээс биш УИХ-ын гишүүдтэй нийлээд, хамтдаа ийм балай юм хийж болохгүй.

        Нүдний булай болж байна даа, бид. Хоёрдугаарт, Үндсэн хууль бол ард түмний гэрээ. Есөн хүн энэ хуульд халдах ёсгүй. Би 100 мянган эрдэнэтчүүдийн төлөөлөл. Тэр есөн хүн бол найрааны бүтээл. Хэдэн улстөрчийн ханцуй дотроо найрсан найрааны бүтээл. Тэдэнд бүх эрх мэдлээ ингэж өгч байгаа бол УИХ одоо тарах цаг нь болсон. МАН нүдний булай болдог нь хамаа алга.

     Гуравдугаарт, ард түмэн Үндсэн хуулийнхаа зүйл заалт, чадавхыг хамгаалах хэрэгтэй болсон. УИХ-ын гишүүд нь сайд болох гээд байж байгаа эмгэнэлтэй байдлыг хуульчид тодорхой тайлбарлаж хэлсэн. Ёс зүйн хувьд бид энэ аюултай үйл явдлыг таслан зогсоох шаардлагатай болсон. Монголын ард түмэнд хандах гарц л үлдлээ. Сайдын суудлаас болж Үндсэн хууль, дэг, журам алдагдаж, хүн алах нь ээ” гэв.