Үндэсний статистикийн хорооноос Монгол Улсын эдийн засаг, нийгмийн  голлох үзүүлэлтүүдийг 2022 оны эхний долоон сарын байдлаар танилцууллаа.

       Хэрэглээний бараа, үйлчилгээний үнэ 2022 оны  долдугаар сарын байдлаар улсын хэмжээнд өмнөх оны мөн үеэс 15.7 хувь, өмнөх оны эцсээс 10.6 хувь, өмнөх сараас 1.0 хувиар өссөн байна.

    Инфляцын түвшин 2022 оны долдугаар сард 15.7 хувь гарсны 6.3 нэгж хувь буюу 40.1 хувь нь хүнсний бараа, ундаа, усны бүлгийн үнийн өсөлтөөс шалтгаалсан бол 54.1 хувь буюу 8.5 нэгж хувь нь импортын барааны үнийн өсөлтөөс шалтгаалсан байна.

   Үүнээс хүнсний бараа бүтээгдэхүүний үнийн өсөлт 21.5% буюу хамгийн өндөр өсөлттэй байгаа юм. Хүнсний ногооны үнэ жилийн өсөлт дунджаар 83% өсөж байгаа нь  нийт инфляцид хоёр орчим хувийн нөлөө үзүүлж байна.

•Төмсний үнэ 3.5 дахин өсөж, 3300 төгрөг болж нэмэгдсэн 

•Цагаан будаа 26 орчим хувийн өсөлттэй байна. 

•Шатахууны  үнийн өсөлт өнгөрсөн оны долоон сартай харьцуулахад 39 орчим хувийн өсөлттэй байна.

        Гадаад худалдааны статистик нийт экспортын хэмжээ 37 хувиар буюу 1.7 тэрбум ам доллараар нэмэгдсэн. Харин импорт мөн 24 хувиар буюу 924 орчим сая ам доллараар нэмэгджээ. Ингэснээр Монгол Улсын гадаад худалдааны тэнцэл эхний долоон сарын байдлаар 1.7 тэрбум ам долларын ашигтай гарч өнгөрсөн онтой харьцуулахад 800 гаруй ам долларын ашигтай ажилласан байна.  Харин төлбөрийн тэнцэл нэг тэрбум ам долларын алдагдалтай  гарчээ.