Засгийн газрын өнөөдрийн хуралдаанаар ургац хураалтын үеэр шатахууны зардлын тодорхой хэсгийг төрөөс гаргахаар шийдвэрлсэн байна. Энэ талаар Сангийн сайд Б.Жавхлан дараах мэдээллийг өглөө.

Тэрбээр “ Өнөөдрийн засгийн газрын ээлжит хуралдаанаар бензин, шатахуунтай холбогдох эдийн засаг болон ажлын хэсгийн тайланг сонслоо. Үүнээс ард иргэдэд дуулгах шинэ зүйл гэх юм бол энэ жилийн болон ирэх жилийн ургац хураалт Хөдөө Аж ахуйн хэрэгцээнд зарцуулагдах түлшний хэрэглээний үнэ дээр зохицуулалт хийх асуудал хөндөгдлөө.

Энэ сарын 1-нээс дизель түлшинд таван хувийн хөнгөлөлт эдлэх хэлэлцээг ОХУ-тай хийжээ. Манай улс дөрөвдүгээр сард Аи 92 авто бензинийг 25 хувийн хөнгөлөлттэй үнээр авч байсан бол одоо 30 хувийн хөнгөлөлт эдэлж байна. Иймд Аи 92 шатахууны үнэ энэ оныг дуустал тогтвортой байна. Аи 92 авто бензин он дуустал нэг баррель нь 830 ам.долларын үнэтэй байх юм. ОХУ-д мөн ургац хураалт эхлэх тул дизель түлшийг таван хувийн хямдралтай үнээр нийлүүлнэ. Бид гадаад зах зээлээ дагахаас өөр арга байхгүй” гэлээ.