Үндэсний их баяр наадмын тохиолдуулсан амралт эхлэлээ. Зуны дэлгэр сард би хөдөө орон нутгаар аялж, байгалийн дурсгалт газарт газруудаар зочлон очдог билээ. Тэгвэл аяллын урт замдаа саадгүй, бэрхшээлгүй очихын тулд автомашины бүрэн бүтэн байдал чухал билээ. Ингээд та бүхэндээ аялалд гарахдаа заавал авч явах зүйлс болон анхаарах зүйлсийг танилцуулж байна.

Аялалдаа гарахаасаа өмнө автомашиндаа дараах зүйлс байгаа эсэхийг сайтар шалгаарай.

ТАТЛАГА

    Автомашин эвдэрч эсвэл бензин дуусаад чирэх хэрэгтэй болоход, бартаа садаанд дугуй хий эргэж, шаварт суусан машиныг татан гаргахад татлагатай байх шаардлагатай.

ХҮРЗ

   Аяны бартаат замд машины дугуй шавар, элсэнд шигдэх зэрэг бэрхшээл тохиолдоход хүрз хэрэглэх үе гардаг.

ГУРВАЛЖИН ТЭМДЭГ

   Машиныхаа эвдрэл гэмтлийг засах, аливаа ослын үеэр зам дээр зогсож байгаа үед анхааруулах гурвалжин тэмдгийг байршуулах зайлшгүй шаардлагатай.

АНХНЫ ТУСЛАМЖИЙН ХАЙРЦАГ

   Анхны тусламжийн цүнх, хайрцаг нь ус, чийг, тоос химийн бодис нэвтрэхээргүй битүү байх ёстой. Мөн тухайн нөхцөлд шаардлагатай үед хэн ч анхны тусламжийн хайрцгийг хэрхэн хэрэглэх, хаанаас авахаа мэддэг байх хэрэгтэй. Хайрцагт боолт, хөвөн, нэг удаагийн бээлий, шархны наалт, яаралтай тусламжийн хөнжил, мохоо үзүүртэй хайч, гурвалжин алчуур, даралтын аппарат зэрэг зүйлс багтдаг.

НӨӨЦ ДУГУЙ

    Замд удаан явсан, олон жил болсон дугуй хатах, язрах, хагарч буудах аюултай. Мөн замын бартаа саадаас шалтгаалан хагарах эрсдэлтэй тул нөөц дугуй заавал авч яваарай.

ДОМКРАТ

   Аян замд дугуй солих, машины доод эд ангийг шалгаж, эвдрэл гэмтэл засах тохиолдолд зориулалтын домкрат нэн шаардлагатай. Машиныг хөндийлөн өргөж тулах энэхүү төхөөрөмж нь жолооч нарын бүхээгт заавал байх ёстой багаж юм.

ТҮЛХҮҮР БАГАЖ

Түлхүүр багажгүйгээр дугуй солих боломжгүй. Машиныхаа эд ангид тохирсон хэт олон биш ч хэрэгтэй чухал түлхүүр багажаа авч яваарай.

ГАЛЫН ХОР

    Жолооч гэлтгүй зорчигчид аливаа болзошгүй галын аюулаас урьдчилан сэргийлж явах хэрэгтэй. Эрсдэлийг  тооцож галын хороо холын замд гэлтгүй машинд тогтмол авч явах нь зүйтэй. Галын хор, яаралтай тусламжийн хайрцаг зэргийг хүний нүдэнд ил, гарт ойр байрлуулах хэрэгтэй.

ГАР ЧИЙДЭН

  Гар чийдэнг зөвхөн шөнийн цагаар ашигладаг гэж үүд бодоорой. Өдрийн цагаар автомашины доод эд ангийг үзэх, дугуйн дотор талыг шалгах зэрэг гар чийдэн хэрэг болно шүү.

Улаанбаатар хотоос гарахаасаа өмнө машиныхаа бүрэн бүтэн байдлыг сайтар шалгаарай.

• Тос масло шалгах
• Автомашиныхаа бензинийг дүүргэх хэрэгтэй замдаа бензин түгээгүүргүй газар шатахуунгүй болохоос сэргийлээрэй.
• Дугуйгаа байнга  шалгах
• Нөөц  дугуй авч явах,  нөөц дугуйны хийг шалгах
• Урдаа шумуулын тор хийх , ялаа шумуулаар битүүрээд радиатор халдаг болно
•  Нүх, дов, хурд сааруулагч дээгүүр хурдаа хасаж зорчих хэрэгтэй  тэнхлэг тохиргоо алдагдах, өндгөн тулгуурт муугаар нөлөөлнө.
• Очих газартаа хурдан очихын хүссэн ч хурд хэтрүүлэлгүйгээр мөн шөнийн цагаар  явахгүй байхыг хичээгээрэй
• Хамгаалалтын бүсээ зүүж, хүүхдүүдийг зориулалтын суудалд нь суулгах
• Шөнийг цагаар зорчих үедээ гэрлээ шилжүүлэх
• Эзгүй газар ой модноос гэнэт туулай , хярс гэх мэт амьтад гарч ирдэг тул анхаарах хэрэгтэй.
• Шороон замаар явах даа чулуу, хаягдал төмөрт автомашины дугуйгаа хаглахаас сэргийлэх
• Гол ус туулахдаа нэгэн жигд хурдаар, урсгал бага зэрэг дагуулж орно, эхлээд усны хир гүн эсэхийг чулуу шидэх, модоор хэмжих, өөр машинуудыг харах зэргээр баталгаажуулна.
• Холын замд явж байгаад зогсож амсхийх бүртээ машинаа унтрааж хөдөлгүүрээ амрааж байх, дугуйгаа анзаарах.
• Их өвстэй газар нүх чулуу харагдахгүй тул замгүй газраар аль болохоор явахгүй байхыг хичээх.
• Хянах самбараа сайн харж бай.
• Замын тэмдэг, хурдны заалтыг сайтар харах.
• Гүйцэж түрүүлэхэд осолтой газрыг зам дээр битүү цагаан шугамаар тэмдэглэсэн байдаг.
• Хурдаа хэтрүүлэхгүй бай, 80 км цагаас дээш хуртай зорчихгүй байх.