УИХ-ын гишүүдийг хуулийн ангийн оюутан, багш нараар  хууль санаачлуулж, УИХ-д өргөн барьдаг гэх яриа байдаг. Харин хэчнээн төгрөгөөр, ямар хууль хэнээр бичүүлэх нь хувь хүний асуудал. Харин УИХ-ын гишүүд өөрсдөө хууль санаачилж, боловсруулахдаа улсаас мөнгө авдаг эсэхийг ХЗДХ-ийн ТНБД П.Сайнзоригоос тодрууллаа. Тэрбээр “Хууль бичиж, боловсруулах нь оюуны өмч. Хуулийн хамрах хүрээ, хэрэгжих хугацаа, ажлын хэсэг зэргээс хамаарч янз бүр байдаг. Хэчнээн төгрөгөөр хэнээр, ямар хууль бичүүлэх нь хувь хүний асуудал. Энэ тухай хуульд тодорхой заагаагүй. Ер нь заах боломжгүй. Харин УИХ-ын гишүүд хуульд нэмэлт, өөрчлөлт оруулж, шинэ хууль батлахдаа улсаас мөнгө авдаггүй. Энэ талаар зарим хүн буруу ойлголттой байдаг” гэлээ.