УИХ-ын чуулганы хуралдаанаар үргэлжилж байгаа бөгөөд Донорын тухай хуулийн эцсийн хэлэлцүүлгийг хийж байна. Энэ үеэр УИХ-гишүүн Д.Ганбат дараах байр суурийг илэрхийллээ.

Тэрбээр “Донорын асуудал хамгийн чухал нь яах аргаггүй мөн. Тиймээс би үүн дээр анхаарлаа хандуулмаар байгаа юм. Монголын ард түмэн сүүлийн арван жил маш их ядуурсан. Хүнсний аюулгүй байдал, хангамж гэдэг зүйл байхгүй болоод сургууль, цэцэрлэгүүдэд “Үдийн хоол” гээд өгдөг. Хамгийн муу хоол, чанар хангаагүй бүтээгдэхүүнээр хүүхдүүдийг хооллож байна. Үүн дээр эцэг, эхчүүд нь анхаарал хандуулж чаддаггүйгээс хорт хавдар нэмэгдэж байна. Үүнийг эрүүл мэндийн байгууллага дийлэхгүй байгаа. Тиймээс ерөнхийлөгч ханцуй шамлан орж ирж байна. Ерөнхийлөгч зөв байна. Засгийн газар маш муу ажиллаж байна” гэв.