Засгийн газрын хуралдааны шийдвэрийг танилцууллаа. Энэ үеэр Хөдөлмөр, нийгмийн хамгааллын сайд А.Ариунзаяа мэдээлэл өглөө. 

      Тэрбээр “Тархины саажилт, уналт таталттай хүүхдүүдийн эмийн хангамж сүүлийн хоёр жил муу байсан. Энэ асуудлыг яаралтай шийдэж, төлбөрийг нь төрөөс даах, тэдний хэрэглэдэг эмийг өрөөс даадаг эмийн жагсаалтад оруулахаар Эрүүл мэндийн сайдад даалгасан. Мөн түүнчлэн тархины саажилттай хүүхдүүдийн эцэг, эхчүүд хүүхдийнхээ хагалгаанд санаа зовж, гадаад улсыг зорьдог. Тиймээс тархины саажилттай хүүхдэд хийдэг хоёр төрлийн хагалгааг Монгол Улсдаа хийх, төлбөрийг нь төрөөс даахаар болсон. Тус асуудлыг есдүгээр сард багтаан судалж, шийдвэрлэхийг Гадаад харилцааны сайд, Эрүүл мэндийн сайдад даалгасан. Мөн эмнэлгийн хяналтад байдаг 18 нас хүртэлх хүүхдээ хардаг, хөдөлмөр эрхлэх боломжгүй эцэг, эхчүүдийн асуудлыг авч хэлэлцсэн. Тэдний эцэг, эхийн аль нэгнийх нь нийгмийн даатгалыг хөдөлмөрийн хөлсний доод хэмжээнээс тооцох хуул зүйн зохицуулалт хийхээр болсон” гэлээ.